Долгоочекуваната пресметка меѓу Британецот Тајсон Фјури и Украинецот Александар Усик ќе се одржи на 29 април во Саудиска Арабија, под услов штабот на Фјури да се договори со Саудијците. Борбата ќе го даде новиот апсолутен светски шампион во тешка категорија во професионалниот бокс.
Усик веќе се договори со домаќините од Саудиска Арабија, сега на ред е Фјури. Во спротивно, борбата би можела да се случи на Вембли, напиша на Твитер новинарот на ЕСПН, Мајк Копингер.
Фјури го предизвика Усик, шампион на Светската боксерска асоцијација (ВБА), Меѓународната боксерска федерација (ИБФ), Светската боксерска организација (ВБО) и Меѓународната боксерска организација (ИБО), откако ја одбрани титулата на Светскиот боксерски совет (ВБЦ) по победата во десеттата рунда. над сонародникот Дерек Чисора на 3 декември во Лондон.
Усик последен пат победи против Ентони Џошуа со одлука на 20 август минатата година во Саудиска Арабија.
Тајсон Фјури има 33 победи и едно реми во професионалниот ринг, а Александар Усик има 20 победи од 20 борби, од кои 13 со нокаут.
