Дана Вајт откри зашто Федор не стигна до УФЦ

Дана Вајт не жали за неуспешниот трансфер на Федор Емелијаненко во УФЦ.

Емелијаненко се смета за еден од најголемите борци на сите времиња кој никогаш не се натпреварувал во УФЦ. Вајт неодамна откри дека сакал да закаже борба меѓу Русинот и Брок Леснар. Сепак, тие не можеле да потпишат со Емелијаненко и покрај тоа што му понудиле многу пари.

Вајт тврди дека понудата била толку голема што на него и на Лоренцо Фертита им олеснило кога Емелијаненко ги одбил. Претседателот на УФЦ не жали за неуспешните преговори.

„Никогаш не склучивме договор со Федор“, рече Вајт во поткастот „Пивот“.

„Кога Лоренцо и јас се качивме во авионот и заминавме, без разлика каде бевме, се погледнавме и рековме: „Фала му на Бога што рече не“, затоа што му понудивме толку многу пари. Влегуваш во таа соба и само се обидуваш да склучиш договор… Сакавме да го спротивставиме со Брок Леснар во тоа време. Не жалам“.

Кога УФЦ го купи Прајд во 2007 година Емелијаненко беше единствената мегаѕвезда што не потпиша со промоцијата. Додека „Последниот император“ се бореше во Страјкфорс, тој си замина кога УФЦ ја купи промоцијата во 2011 година. Емелијаненко го заврши последниот дел од кариерата во Белатор, обесувајќи ги ракавиците по поразот со нокаут од Рајан Бејдер во 2023 година.