Магомед Анкалаев: Му благодарам на Гусков што го прифати мечот, немам лоши чувства спрема никого

Поранешниот шампион во полутешка категорија на УФЦ, Магомед Анкалаев, изјави дека нема лоши чувства кон борците кои одбија да го заменат повредениот Халил Раунтри и му се заблагодари на Богдан Гусков што ја прифати борбата во последен момент.

Тие оваа сабота ќе се соочат на главниот настан на УФЦ Фајт најт во Абу Даби.

„Секако, бев разочаран што Халил не можеше да се бори. Се подготвував специјално за него. Но, не бев разочаран кога ми најдоа нов противник во последен момент. Напротив, среќен сум што имам противник кој ја прифати борбата и го спаси главниот настан“, изјави Анкалаев за ММА џанки.

По елиминацијата на Раунтри УФЦ им ја понуди борбата и на Јан Блахович и на Пауло Коста, но на крајот Гусков го прифати предизвикот.

„Гусков беше единствениот кој не се двоумеше и веднаш рече „да“. Ги разбирам другите. Ова е професионален спорт. Одењето против број 1 на ранг-листата без подготовка може сериозно да влијае на нивната кариера. Целосно ги разбирам и немам лоши чувства кон никого“, додаде Русинот.

Анкалаев ќе се врати во октагонот за прв пат откако минатиот октомври ја загуби титулата во реваншот против Алекс Переира. Од друга страна, 33-годишниот Гусков е во одлична форма, непоразен во последните пет борби во УФЦ.

И покрај почитта кон Узбекистанецот, Анкалаев е убеден дека неговата класа ќе зборува сама за себе.

„За мене, најважно е да се вратам. Може да се каже дека ова е меч за враќање на ритамот. За Богдан, ова е шанса што би можела да му го промени животот. Тој ќе се обиде да го заземе моето место на ранг-листата, но нема да му биде лесно“, заклучи Анкалаев.