Кристијан Пренга пред борбата против Ентони Џошуа: Мило ми е што ме потценија

Албанскиот тешкаш, 35-годишниот Кристијан Пренга, доби можност да се бори против поранешниот двократен светски шампион Ентони Џошуа.

Борецот со прекар „Орелот“ има 20 победи во професионалниот ринг, сите ги добил со нокаут. Во последните три борби ги запрел противниците со прекин во првата рунда.

Во февруари го победи Џо Џонс со технички нокаут на настан во Атлантик Сити, а сега го гледа мечот против Еј Џеј како отскочна штица во својата веќе напредна кариера.

А Џошуа ќе го искористи овој меч како враќање во форма откако во последните две години одржа само една борба, минатиот декември,до нокаут го победи недораснатиот Џејк Пол.

Неговата последна борба со врвен борец беше во септември 2024 година, кога загуби со нокаут во петтата рунда од Даниел Дубоа во меч за шампионскиот појас на ИБФ.

Џошуа се бори на 25 јули против Пренга, кој не го смета својот противник за еден од најдобрите во дивизијата.

„Повеќе не е во друштво на најдобрите тешкаши во светот, но е одличен борец. Тој е добар боксер, но има многу недостатоци“, рече Кристијан Пренга, додавајќи:

„Не сум навреден што некои луѓе мислат дека Еј Џеј може да ме победи, но ми е мило што ме потценија. Мислам дека е лоша идеја да се планира борба со Тајсон Фјури. Тој ја испланира, а јас ќе му ги расипам плановите“.