Поранешниот светски шампион во тешка категорија, Тајсон Фјури, негираше каква било извесност за можна борба со сонародникот Ентони Џошуа, нагласувајќи дека нема намера да чека месеци за ниту една борба.
„Без оглед на тоа какви борби ќе се случат по борбата со Вах, сакам да останам активен. Не сакам да ја имам оваа борба, а потоа да седам чекајќи нешто што можеби никогаш нема да се случи. Ако боксирам, ќе боксирам“, изјави Фјури за „Мирор“.
Британецот нагласи дека името на неговиот следен противник не е особено важно.
„Не ме интересира дали е Џошуа или некој друг. Заработив доволно пари и титули во мојата кариера, па не е прашање на финансии. Штом ќе завршам со Вах, ќе се борам со следниот достапен противник. Не сакам да чекам шест или седум месеци“, додаде тој.
На 24 јули Фјури ќе се соочи со полскиот ветеран Мариуш Вах во добротворна борба што ќе се одржи во Тајланд. Борбата нема да се емитува на телевизија.
Во професионалната кариера Тајсон Фјури има само еден пораз – од Александар Усик, кој неодамна се раздели со три од светски шампионски појаси.
