Ентони Џошуа и Тајсон Фјури во меѓусебен меч треба да одлучат кој е најдобриот боксер во тешка категорија, така смета Еј Џи.
Фјури имаше фантастично издание против Деонтеј Вајлдер во февруари кога ја освои ВБЦ титулата. Додека Џошуа го победи Руиз за да ги врати појасите во ИБФ, ВБА и ВБО.
Многумина сакаат меч меѓу Ентони Џошуа и Тајсон Фјури во кој ќе се одлучи кој навистина е најдобриот боксер во тешка категорија во моментов.
„Доколку навистина сакаш да кажеш дека си број 1, дојди боксувај со мене. Јас ги имам остатокот од појасите“, му вели Џошуа на Фјури во изјава за „Скај Спортс“.
„Јас сум унифициран шампион во тешка категорија, тој е ВБЦ шампион. Што ќе докаже борбата меѓу мене и него? Ќе има една доминантна фигура во тешка категорија кој ќе ги има сите појаси и ќе биде неспорен шампион“.
„Логично е Тајсон Фјури ако сака да докаже дека е најдобар, да се бори со мене“.
Оваа година сигурно нема да има меч меѓу Џошуа и Фјури. Тајсон Фјури треба да боксува уште еднаш со Вајлдер кој ќе ја искористи клаузулата од договорот за нов меч. А Џошуа ќе ги брани титулите против предизвикувачот Пулев.
