Владимир Кличко: Чесно кажано, искористувам само 20-30 проценти од моите можности!

Светскиот шампион во тешка категорија на четири федерации, Владимир Кличко, изрази уверување дека сега нема способен боксер да го победи.

„Ако направам квалитетни подготовки и не се повредам, тогаш ниту еден од противниците нема шанси против мене. Залутан (среќен) удар во борбата со мене е можен, но само ако јас спијам. Но во рингот сум буден. Искрено, често пати само 20- 30 проценти ги користам од моите можности“, изјави Владимир Кличко за украински бокс сајт.

На 25 април во Њујорк Украинецот Владимир Кличко ќе ги брани титули против Американецот Брајант Џенингс.