Официјалниот предизвикувач за титулата на ВБО во тешка категорија, Александар Усик зборува за тоа што ќе направи ако треба да го чека мечот меѓу Ентони Џошуа и Тајсон Фјури. Украинецот објави дека една од неговите можности е деби во ММА под знамето на УФЦ.
„Неодамна Дана Вајт ми напиша ако сакам да пробам во УФЦ, на што одговорив – испрати ми ги деталите, подготвена сум. Значи, имам многу опции. Нема да чекам година ипол“, рече Усик.
Претставниците на Џошуа и Фјури тврдат дека веќе имаат потпишано договори за борбата, но официјалното објавување на мечот за апсолутен светски шампион во бокс во тешка категорија се очекува во април.
34-годишниот Александар Усик последен пат влезе во рингот во октомври минатата година, со едногласна одлука го победи Британецот Дерек Чисора во 12 рунди.
