Шампионот на ВБЦ во тешка категорија, Тајсон Фјури (33-0) призна дека не е задоволен од фактот што поранешниот светски боксерски шампион во тешка категорија, Мајк Тајсон (50-6) му помага на поранешниот шампион во тешка категорија на УФЦ, Френсис Нгану (0-0) да се подготви за битка со него.
„Мислам дека е тажно. Човекот по кој сум именуван, легендата, мора да се соочи со мене, а потоа да загуби од мене. Тажно е и мислам дека тој треба да биде во мојот агол, а не на противникот, но бизнисот е бизнис.
Без разлика на тоа што го учи овој тип (Нгану), без разлика колку боксирал, сите имаат план додека не добијат удар в лице и не се сеќавам точно кој го кажа тоа, но вистина е. Секој има план додека не добие удар во забите“, изјави Фјури за Скај спорт.
Фјури и Нгану ќе се борат на 28 октомври во Ријад, Саудиска Арабија. Мечот ќе се одржи во 10 рунди. Титулата на ВБЦ нема да биде доведена во прашање.
