Тајсон Фјури се враќа во рингот во текот на април или мај

Скандалозниот британски боксер Тајсон Фјури ќе се врати на рингот во април или мај. Ова го објави неговиот тренер, менаџер и чичко Питер.

Поранешниот светски шампион во тешка категорија се подложи на лекување. Тој се најде во тешка депресија и стигна до употреба на дрога, откако го симна од тронот  долгогодишниот крал – Владимир Кличко.

„Тајсон тренира секој ден заедно со својот братучед. Тој трча, се подготвува и прашува кога повторно ќе се врати во салата. Очекувајте го некаде во април или мај. Ќе се врати посилен. Сака не само да си ги врати појасите, но и да докаже дека е најсилниот боксер на планетата. Најверојатно на крајот на годината повторно ќе се бори за титулите или најдоцна во почетокот на 2018-тата. Претходно ќе направи два или три меча. Лично, сакам да го видам против Дионтеј Вајлдер“.