Конор Мек Грегор е казнет 1.000 евра по признанието дека е виновен за напад на стариот човек во еден паб во Даблин, Ирска, откако тој одби да биде почестен со неговото виски „Пропер 12“.
31-годишната УФЦ ѕвезда покрај признанието за вина и финансиската казна, достави и лично извинување до Десмонд Кеог, кој доби бокс во пабот „Марч арч“ во центарот на ирската престолнина.
Според сведочењето „Озлогласениот“ донел шише од своето виски и турил во три чашки, а откако тој и уште еден посетител на пабот ги испиле, се почувствувал навреден кога Кеог му кажал: „Не сакам да го пијам тоа срање“.
Мек Грегор подоцна јавно се извини за инцидентот и најави дека ќе ја прифати казната, а неговиот адвокат го уверуваше судијата дека „вакво нешто нема да се повтори“.
