Карате центар Пејов дебитираше со две бронзи на Државното првенство (ФОТО)

Карате центарот „Пејов“ во својот прв настап на државните првенства го сефтоса со два бронзени медали на Анастасија Димитрова и Тамара Јанковска на Државното првенство за деца кое се одржа денеска во Скопје.

Со освоените бронзи Димитрова и Јанковска обезбедија место во репрезентацијата на Македонија на Балканското карате првенство.

„Задоволен сум од настапот на нашите натпреварувачи со оглед на тоа дека ова се нивни први настапи и со помалиот број на тренинзи. Честитки за Тамара и Анастасија, а морам да ги пофалам и Александар Тодоровски и Христијан Љотиќ кои добро се изборија иако не освоија медали. Се надевам дека полека ја надминуваат тремата и во иднина ќе постигнуваат позабележителни резултати“, изјави тренерот Зоран Пејов.

Ipon.mk/В.Д.