Конор Мек Грегор бара нова шанса против Хабиб Нурмагомедов, верувајќи дека ќе му се реваншира.
Мек Грегор официјално е во пензија, но од УФЦ продолжуваат да му нудат борби и најверојатно наскоро ќе се врати во кафезот. Во неодамнешно интервју Конор ја коментираше првата нивна пресметка, во октомври минатата година, при што загуби со сабмишн, а потоа настана масовна мешаница во и надвор од кафезот. Конор сака реванш со шампионот во лесна категорија и гори од желба да му се реваншира на Хабиб.
„Тоа што се случи беше откако борбата заврши и сè беше готово. Хабиб го прескокна кафезот и дигна врева, но веднаш се сокри кога скокна во публиката. За мене, тој се покри, како што прават малите стаорци, бидејќи се такви. Го видов она што се случува и решив да се качам на кафезот и да се вклучам во играта. Тогаш го видов неговиот брат, кој тргна да му помага, а за мене тоа беше како божиќен подарок.
Му зададов силен десен и почнавме да се бориме на врвот на кафезот. Не симнаа долу и тој се обидуваше да помине преку обезбедувањето, а јас ги следев работите. Сфатив дека треба да се вратам во кафез, мислејќи дека таму ќе бидам добар. Тогаш зад грб ми излегоа двајца од неговиот тим и јас успеав да го удрам Чеченецот и го разнишав. Другиот ме погоди, но јас се бранев.
Не разделија, а потоа неговиот брат беше испуштен од обезбедувањето и се стрча кон мене и се обиде да ми зададе удар со десницата, но јас бев внимателен и го погодив со чист лев удар. Го постигнав последниот удар на вечерта. Тоа ме прави победник.
Покажав почит спрема него и го поздравив, а сега ќе видиме што ќе се случи. Сигурен сум дека ќе има втора борба. Ајде да го направиме тоа повторно. Јас сум скромен и во победата и во поразот. Тоа е спорт, сепак, ужасен спорт, но тоа е спорт. Јас го испочитував, бидејќи бев поразен таа вечер. Оваа битка повторно ќе се случи. Војната не е завршена“.
