Федор следниот месеца настапува на самбо турнир во Монако

Пред да се врати на ММА Федор Емилијаненко ќе настапи на турнирот во комбат самбо.

Четирикратниот светски шампион во комбат самбо на 25 ноември во Монако ќе се бори на Светскиот мастерс турнир во самбо и џудо.

Веста ја објави Tass.ru, а прес службата на турнирот ја потврди веста.

На турнирот ќе настапат спортисти од Франција, Русија, Саудиска Арабија и САД.

Како гости на турнирот се најавени членовите на монашкото кралското семејство, на саудиското кралско семејство и неколку шефови на држави и лидери на ОН.

Федор повратничкиот ММА меч ќе го одработи на 31 декември на Rizin Fighting Federation настанот во Саита супер арена.

ipon.mk/В.Д.