Ентони Џошуа: Сакам да го нокаутирам Пренга, а потоа да се борам со Тајсон Фјури

Поранешниот светски шампион во тешка категорија, Ентони Џошуа, е категоричен дека неговата цел е убедлива победа над Кристијан Пренга на 25 јули, што би му отворило врата кон долгоочекуваниот судир со Тајсон Фјури.

36-годишниот Британец не крие дека сонува не само за мега борба против сонародникot, туку и за враќање во борбата за светски титули. Според Џошуа, сè започнува со импресивен настап против Пренга.

„Сакам да го победам Пренга, тоа е сигурно. Морам да го нокаутирам. Ми треба правилен став, знаење и верба во себе“.

Џошуа нагласи дека неговиот фокус не е на противникот, туку на сопствениот настап и желбата повторно да ја покаже најдобрата верзија од себе.

„Ова нема никаква врска со Пренгa, сè е поврзано со мене. Верувам во себе, знам што сум способен и сакам да си докажам дека сум вистинска машина за уништување. Имам динамит во обете тупаници и нема да се воздржам“.

Британецот е свесен дека веќе е едно од најголемите имиња во дивизијата и секој противник со кој се соочува доаѓа со дополнителна мотивација.

„Треба да потсетам дека сум машина. Не можам да тренирам како порано, потпирајќи се на моите минати достигнувања. Тоа е сè во минатото. Морам да почнам одново. Сакам сè. Сакам борба со Фјури. Тоа е мојот став. Дајте ми сè – го сакам тоа“.

Ако Џошуа може убедливо да се справи со Пренга, следниот логичен чекор би можел да биде долгоочекуваниот британски судир со Тајсон Фјури – борба што љубителите на боксот ја очекуваат со години.