Претседателот на Обединетото светско борење (ОСБ/WWU), Ненад Лаловиќ, соопшти дека ќе бидат променети правилата во борењето, за да го направи попривлечен овој спорт.
Претходно се појави информација дека може да се зголеми времетраењето на борбите до 5 минути.
„Треба да ги подобриме правилата на класичното борење. Ние сакаме борењето да го направиме привлечно за гледачите“, рече Ненад Лаловиќ и додаде: „Следната недела комисијата ќе подготви документ за промените, а пред декември документот ќе биде разгледан на седница на бирото”.
