Дејан Сетфановски на својот Фејсбук профил најави нова ММА борба во родниот Велес на 24 октомври против Јасмин Вршкиќ од Босна и Херцеговина во категоријата до 80 кг.
„Конечно пред моја публика! Да ја поправам лошата победа во Сплит! Едвај чекам“, напиша Стефановски!
Да потсетиме дека тој пред десетина дена во Сплит на Сикст фајт најт 2 ја извојува втората победа по ред, откако претходно тоа го направи и во Никшиќ во Црна Гора.
Борбата ќе биде во склоп на регионална придеба од Сикст фајт најт, каде што како домаќин ќе се појави ММА клубот „Будо“ од Велес.
Од друга стран, само пред неколку денови, исто така на Фејсбук, Стефановски напиша статус:
„За жал, веќе нема да се борам, затоа што има многу луѓе кои ми љубоморат, бидејќи многу брзо се протнав. Сепак, никогаш нема да се кајам што сум го тренирал овој спорт, затоа што, дефинитивно, е најубав спорт“.
ipon.mk/В.Д.
