Азиз Исмаил стана балкански шампион во категоријата до 75 килограми за јуниори до 21 година на Балканското првенство во Дубровник, Хрватска. Каратистот нан Металург од Скопје имаше пет борби кои ги доби со скор 12-0, односно без изгубен поен. Фактички, со оваа титула си обезбеди место во репрезентцаијата за Европксото првенство во февруари идната година.
Азиз Исмаил освои и сребрен медал во екипно борби за јуниори до 21 година.
Дали веруваше дека можеш да стигнеш до врвот, зашто Балканското е како мини Европско првенство?
Секако очекував , цела 2015 година вложув многу труд, со макотрпна работа и голема самодоверба стигнав до врвот. И, многу сум горд! Прво за себе, а потоа за сите останати (родители, тренери, пријатели), кои што веруваа и беа со мене секој момент.
Балканското првенство може да се нарече мини европско, затоа што имаше доста добри противници и европски медалисти на овој шампионат.
Првите борби ги доби убедливо и сигурно?
Првата борба ја победив 3-0 против Црна Гора , втората и најважната борба против Турчинот Ујгур 1-0 , третата борба против Србија 3-0. Во полуфиналето исто така се сретнав со каратист од Србија и го совладав со 4-0. Во финалето бев подобар од репрезентативецот на Косово со 1-0.
Сакам да истакнам дека првенството го завршив без изгубен поен 12-0.
Во финалето што претежна на твоја страна?
Во финалето бев поконцентриран од мојот противник. Двајцата чекавме кој ќе падне на мала грешка и ќе земе поен. Доста интересна и атрактивна борба (хахаха).
Фактички со ова го завери местото за ЕП во февруари. Може ли да очекуваме европска титула?
Сега следи Европското првенство во Февруари. Ова е голем мотив и самодоверба пред вакво големо првенство. Сега следи краток одмор од 7 дена, потоа почнувам со подготовки за Европското првенство со 2 тренинзи на ден. Се надевам на ист резултат како на Балканслото првенство и освојување на втор европски медал во мојата кариера.
На крај сакам да и се заблагодарам на моите тренери: Мирче Јанушевски, Драган Грдановски, Амир Беговиќ, Гоце Петров и Киро Ѓоргиевски за нивната поддршка и макотрпна работа, како и до моите родители, коишто не ме оставија сам на ова првенство, дојдоа во Дубровник да ме подржат. Голема благодарност и до мојт селектор Арлин Хусеини, кој ми даваше целосна поддршка во текот на првенството.
ПАТОТ ДО ТИТУЛАТА
Азиз Исмаил (-75 кг, У-21) во финалето го совлада Блодин Пакаштица (Косово) со 1-0.
На патот до златниот медал на Балканското првенство за кадети, јуниори и јуниори до 21 година во Дубровник, Хрватска, Исмаил ги совлада Един Краја (Црна Гора) 3-0, Ахмет Ујгур Сабир (Турција) 1-0, Филип Кнежевиќ (Србија) 4-0 и во полуфиналето Алексанадар Тинтор (Србија) 3-0.
Ipon.mk/В.Д.
