Американскиот боксер Флојд Мејведер втора година по ред е убедливо најскапо платениот спортист во светот, објави престижниот американски финансиски магазин „Форбс“. Мејведер годинава заработил неверојатни 105 милиони долари.
Борбата на Мејведер за шампионската титула против Канело Алварез во септември му донела профит од 150 милиони долари само од телевизиските права, дополнителни 20 милиони од оние кои ја следеле во живо, а заедно со дополнителната маркетиншка заработувачка профит од над 200 милиони долари. Згора на тоа, ако се додат и неговите заработувачи од обложувалниците, богатството е многу поголемо.
Владетелот во тешка категорија, Владимир Кличко, е дури 25-тото со заработка од 28 милиони долари.
Листата на „Топ 10“ спортисти со најголема заработувачка годинава ја сочинуваат:
- Флојд Мејведер (бокс)105 милиони долари
- Кристијано Роналдо (фудбал) 80
- Леброн Џејмс (кошарка) 72,3
- Лионел Меси (фудбал) 64,7
- Коби Брајант (кошарка) 61,5
- Тајгер Вудс (голф) 61,2
- Роџер Федерер (тенис) 56,2
- Фил Микелсон (голф) 53,2
- Рафаел Надал (тенис) 44,5
- Мет Рајан (американски фудбал – рагби) 43,8
