Поранешен светски шампион во тешка категорија тренира засилено за враќање
Поранешниот обединет шампион во тешка категорија Енди Руиз се чини дека е на работ на враќање во рингот откако објави импресивни снимки од тренинг на социјалните мрежи.
Тешката категорија драматично се промени во последните пет години, а украинската икона Aлександaр Усик се етаблираше како еден од најголемите борци на својата генерација. Минатиот месец тој стана неприкосновен шампион по втор пат во кариерата, победувајќи го Даниел Дубоа.
Во меѓувреме, Џозеф Паркер и Агит Кабаје ја чекаат својата шанса против Усик, додека феноменот Мозес Итаума го зацврсти статусот како најблескав млад талент со нокаутирање на Дилиен Вајт во првата рунда од нивната борба во Ријад.
Меѓу имињата кои исто така се надеваат дека ќе добијат уште една шанса за светска титула е Руиз. Американецот го изненади целиот свет во 2019 година кога го сопре Ентони Џошуа и ги освои појасите на ВБА, ВБО и ИБФ.
Andy Ruiz Jr back soon? 👀
Ruiz Jr hasn't fought since August 2024 where he suffered a right hand injury in a draw against Jarrell Miller. pic.twitter.com/gNAzjBfCmE
— Ring Magazine (@ringmagazine) August 25, 2025
35-годишниот Руиз не влегол во рингот од минатиот август, кога ремизираше со Џарел „Големото бебе“ Милер во Лос Анџелес. Повреда на раката го принуди да отсуствува со месеци, но сега се чини дека неговото долгоочекувано враќање е пред вратата.
