Френсис Нгану помина долг пат додека да стане шампион на УФЦ и да направи историска борба во бокс против Тајсон Фјури.
Најголемата плата на Нгану во УФЦ беше 600.000 долари кога се бореше со Сирил Гане во 2022 година. Го напушти УФЦ за поголема слобода и безбедност, а потоа потпиша флексибилен договор со ПФЛ. Неговиот менаџер, Маркел Мартин, спомна дека неговата плата за Фјури го менува животот и е поголема од сите негови плати во УФЦ заедно.
Нгану се соочуваше со финансиски борби, мораше да позајмува пари за да преживее. Тој пораснал во Камерун, одел пешки 10 километри до училиште, а подоцна тргнал на опасно патување да емигрира од Африка во Шпанија, соочувајќи се со предизвици како што се живеење во мароканските шуми и јадење од канти за ѓубре.
Откако стигнал во Шпанија се упатил кон Франција каде почнал да спие на паркинг пред да започне да тренира во ММА салата. Тој првично сакаше да биде боксер, но се префрли на ММА, на крајот склучи договор со УФЦ во 2015 година и стана шампион во тешка категорија во 2021 година.
Патувањето на Нгану од скромните почетоци до борбата против шампионот во бокс во тешка категорија е доказ за неговата издржливост и одлучност. Додека тој преминува од светот на ММА во боксерскиот ринг, фановите не можат а да не се запрашаат какви луксузни автомобили ќе додаде во неговата и онака импресивна колекција.
Френсис сега поседува „ролс ројс фантом VII“ кој чини неверојатни 546.320 долари. Тој може да се пофали и со „ролс ројс гоуст“ кој чини 348.360 долари. Камерунската ѕвезда вози и „мерцедес бенз Г калса Г63 АМГ“, кој чини 163.000 долари. Нгану има и Ферари 488 ГТБ кој чини 229.840 долари.
Со потенцијални добивки меѓу 10-20 милиони долари од мечот со Фјури, кој знае какви неверојатни автомобили може да додаде Френсис на оваа и онака импресивна листа. Што можеме да научиме од неговата приказна? Учиме дека ништо не е невозможно. Некогаш јадеше покрај кофата, а денес веќе е милионер.
View this post on Instagram
