Ердоган пред суспензија и губење на бронзениот медал од СП

Турскиот борач Самил Ердоган се соочува со можна двегодишна суспензија и губење на бронзениот медал од Светското првенство поради позитивен допинг наод.

Меѓународната боречка федерација соопшти дека Ердоган бил позитивен на стероидот станазолол во септември за време на СП во Ташкент, Узбекистан.

Ердоган ја освои бронзата во категоријата до 97 килограми слободен стил.

Меѓународната федерација веќе донесе одлука за привремена забрана за настап на турскиот борач.