Жаирзињо Розенструик предивидува нокаут против Нгану

31-годишниот непоразен ѕвер во тешка категорија Жаирзињо Розенструик се многу брзо блесна во УФЦ. Во првата година победи на 4 средби со нокаут и го зголеми скорот на 10-0 во ММА со 9 завршници. Тој ги победи легендите како Андреј Арловски и Алистер Оверем и заработи борба со поранешниот предизвикувач за титулата Френсис Нгану. Тие ќе се борат на крајот на март на УФЦ во главна борба на ЕСПН 8 во Охајо.

Овој судир ќе биде помеѓу два титани и ќе го даде предизвикувачот за титулата. Двајцата имаат брутална сила и секој ќе се обиде да го демолира другиот. Не е јасно што ќе се случи, но Жаирзињо Розенсруик предвидува нокаут-победа во првата рунда.

„Среќен сум со она што го постигнав во 2019 година. Мислам дека во моментов сум најпознатиот борец во Суринам. Не сум изненаден што Нгану ја прифати битката. Ќе беше глупав ако не прифатеше. Ова е борба што треба да се бори. Тој е човекот во моментов, а јас сакам да го заземам неговото место. Сакам најголеми предизвици и задоволен сум што ја прифати битката.

Нема одмор за мене. Да, мислам дека ова ќе биде меч што ќе го даде предизвикувачот за титулата. Нагану е борец од кого сите се плашат, но ќе го сретнам. Ќе ви покажам дека нема од што да се плашите. Секако, планирам нокаут во првата рунда. Не сакам да им оставам работа на судиите. Ќе си ја решам среќата“, изјави Розенструик.

ПОВРЗАНИ ВЕСТИ

ПОПУЛАРНО