Големиот балкански карате семинар во Ниш откри мали тајни на големите мајстори на боречеките вештини – карате и џиу џицу. Акомулаторите се наполнија со нови мали нешта кои ја прават вештината помајсторска, а посебен шмек му даде присуството на поранешниот голем карате шампион на поранешна Југославија Небојша Куртиќ.
Сепак, шихан Тони Петров, сенсеи Зоран Пејов и домаќинот сенсеи Милан Ѓокиќ добија инспирација да ги пренесат своите вештини на присутните каратисти и џиу џицу вежбачи.
Петров работеше техники за контрола на растојанието и значењето на „гипс“ и реактивните моменти; формирање на енергијата на ударот; работа со оските на телото и користење на гравитацијата.
Првата и втората техника се нови моменти во каратето, така што сите оние што беа на семинарот се побогати, а другите може да жалат што ја испуштија оваа прилика.
Една од посебните техники беше онаа за контрола неријателот/противникот со kansetz вазна, истовремено почитувајќи ги принципите на каратето.
„Каратето се изгуби. Спортот се развива. Но, загуби каратето. Комерцијалноста и лесното ги однесоа вистинското и тешкото. Неучествувањето на семинари, туку само на натпревари, доведе до заспивање на сетилата“, вели шихан Тони Петров, карате и џиу џицу мајстор.
Сенсеи Зоран Пејов беше посветен на основните техники на кумите, техники за развивање на експлозивноста, техники на чистење, техники на таи сабаке ,како и техники на вертикална и хоризонтална дистанца. Тактика на напад и тактика на одбрана.
„Демонстрирав и техники на гоносен,таиносен ,сеносен, сенсеносен. Исто така, работевме и доста ментални вежби, како и вежби за подобрување на фокусот при изведбата на борбените техники“, нагласува Пејов.
Милан Ѓокиќ, кој беше домаќин на семинарот вели: „Концептот на Казе Ха карате што го демонстрирав или традиционалното карате, како и фудокан карате, е каратето од кое луѓето се оддалечиле и заради тоа се изгубиле. Сега на помладите генерации им е туѓ, но во во исто време мистичен и привлечен. Интересно е дека постарите каратеки и одоговара поради систематиката и аналитиката. Методологијата на работата е базирана на реалноста. На реалноста на еден удар или неколку удари. Тука нема скокање и поради тоа е интересно за постарите (може да го изведуваат, не им пречи на колковите и колената), но заради скокањето е непрепознатливо за помладите популации. Бидејќи не го препознаваат таквото карате, пионерите и постарите пионери се одлучуваат за спортското/натпреварувачко карате. Оние кои си даваат шанса на себе, остануваат малку подолго, гледаат дека ова е карате што служи за самоодбрана и кое е моќно. Тоа бара смиреност, време и посветеност. Се се испрепелтува и се е нераскинлива целина. Кихон, ката, кумите. Се се вежба и сè мора да се дополнува. Мојата работа беше концентрирана на ова. Посветување и презентирање на оските, основите, на кои сè се надоврзува. Реалноста на блокот и контраударите никогаш не е поврзана со идејата за поен, туку со тоа дали може да му наштети на противникот или не. Затоа сегментот на моите тренинзи е благодарен за старите лица кои вежбаа и разбираат; или на позрели практичари кои ја разбираат поентата, како и оние кои го знаат за значењето не само на традицијата, туку и на симболиката на изворот. Со вакво карате, со овакви техники и пристап, можно да истрае и да се практикува карате-до многу долго време.
Задачата што си ја поставив на себе е токму оваа. Враќање на вредноста на боречките вештини, а не игри за градинка и предучилишна возраст“.
Големиот балкански карате семинар е со заложба – пат на мирот и љубовта, толеранција, разбирање и регионална соработка. Да се надминат разликите, да се биде пример на сите. Да се покаже дека ги има каратистисте. Практикувајќи го со нас (мајсторите-н.з.) традиционалното карате – до, спортското карате, џиу џицу и самоодбрана.
Идејата е со заедничка соработка да се изградат спортисти кои балканските земји ќе ги претставуваат на Олимписките игри во Париз 2024 (ако го има на листата на спортови на Игрите) и соработка со Францсуката карате федерација. Оваа врска се гради преку нашиот мајстор кој живее и работи во Франција, Стојан Стојанов, роден кавадарчанец.
Од друга страна, има се повеќе земји кои сакаат да се приклучат на оваа благородна идеја.
Совите вештини и знаеења на учесниците на Големиот балкански карате семинар ги пренесуваат инструкторите шихан Тони Петров од Бугарија – 7 дан, сенсеи Зоран Пејов од Македонија – 5 дан и шихан Милан Ѓокиќ од Србија – 7 дан, а сенсеи Ранко Вукотиќ (5 дан) од Црна Гора.
Годинава семинарот почна од Софија на 22 и 23 март, а продолжи во Скопје – Македонија 12 и 13 април и Ниш – Србија 7 и 8 јуни, а завршува во Будва – Црна Гора 20–23 јуни.
Ipon.mk
