Светскиот шампион во супер тешка категорија на ВБЦ, Дионтеј Вајлдер изјави дека во борбата со задолжителниот предизвикувач за титулата, Александар Поветкин, ќе ја користи тактиката на Украинецот Владимир Кличко, кој самоуверено го победи Русинот во октомври 2013 година.
„Планирам да направам она што направи Кличко – ќе ја искористам предноста во растот и ќе дејствувам агресивно. Но, не само тоа, бидејќи јас сум повеќе атлет и побрз од Кличко. Ветувам дека Поветкин ќе се сретне со борец кој никогаш претходно не видел таков“, изјави Дионтеј Вајлдер.
Пред два дена Американецот изјави дека неговата главна цел е да го нокаутира Александар Поветкин.
„Мечот ќе биде тепање. Ќе го нокаутирам во првата рунда“, рече Вајлдер.
Тој и рускиот кандидат ќе се борат на 21 мај во Москва.
