Ужасно злосторство во Калифорнија: Убиен е млад талент на Мејведер на кого му се предвидуваше голема кариера!

Млад Американец починал на самото место, а уште две лица биле пренесени во болница.

Непоразен боксерски талент Дени Гонзалес убиен е на американскиот Ден на трудот, пренесува ТМЗ.

Дени, според сознанијата на американските медиуми, бил во долината Морено во Калифорнија на 7 септември кога некој му пришол и го погодил со неколку истрели од огнено оружје.

Според локалната полиција, 22-годишен маж починал на лице место.

Со Гонзаелс имало уште две лица, и двајцата се пренесени во блиската болница заради повредите кои не се опасни по живот.

Истрагата е во тек, осомничените сè уште се водат за исчезнати, а не е познато и кој мотив стои зад ова ужасно злосторство.

Гонзалес имаше само 18 години кога потпиша договор со Мејведер промоушнс во 2016 година, а неговата голема кариера ја предвиде можеби најдобриот боксер во историјата.

„Постојат одредени моменти кога знаете дека сте ископале злато, а ова е еден од нив“, рече Флојд Мејведер Јуниор, според ТМЗ, пред околу четири години. Додека му зборувал на младиот борец.

Гонзалес беше многу успешен аматерски боксер (96-13), кој забележа три победи од исто толку настапи, откако стана професионалец. Последниот меч го одработи во 2017 година, а потоа паузираше од спортот. Но, ТМЗ пишува дека претходно оваа година објавил порака на социјалните мрежи од која може да се заклучи дека можеби се враќа на рингот.

ПОВРЗАНИ ВЕСТИ

ПОПУЛАРНО