Британскиот професионален боксер во тешка категорија, Тајсон Фјури, се обидува да ја убеди јавноста дека ќе го нокаутира идниот ривал – светскиот шампион на четири федерации, Владимир Кличко.
„Колку сум убеден во својата победа над Владимир Кличко? Една милијарда проценти. Јас зборував дека мојата борба со Дерек Чисора ќе биде лесна, така и беше. Значи, се што зборувам, се потврдува. Не знам зошто, но тоа е факт. Значи подобро да ми верувате – јас ќе го нокаутирам Владимир во 7-та, 8-та рунда. Тој веќе е стар и брзо се уморува, па јас ќе го нокаутирам “, изјави 26-годишниот Англичанец, Тајсон Фјури.
