Тајсон Фјури би можел во повратничката борба да се соочи со Арсланбек Махмудов?

Поранешниот шампион во тешка категорија на ВБЦ, Тајсон Фјури, го објави своето пензионирање пред една година, но наскоро би можел да се предомисли и да се врати на рингот.

Имено, „Џипси Кинг“ го објави пензионирањето само неколку недели по вториот пораз против Александар Усик.

Првиот пораз го доживеа кон средината на мај 2024 година во борбата за обединување во тешка категорија.

Непоразениот украински борец е едноставно премногу добар за денешното натпреварување во тешка категорија, бидејќи покрај тоа што двапати го победи Фјури, истото им го направи и на Ентони Џошуа и Даниел Дубоа.

Многу фанови на боксот се надеваа на брзо враќање на „Џипси Кинг“, бидејќи многу се зборуваше за голема британска пресметка со долгогодишниот ривал и поранешен шампион Ентони Џошуа.

Поминаа месеци, но не стигнаа конкретни информации, Фјури често објавуваше снимки од тренинг и тоа беше тоа.

Но, неодамна повторно беше виден во салата, што дополнително ја разгоре надежта на неговите фанови дека наскоро ќе се врати на борбите.

А Фјури ќе мора да направи неколку загревачки мечеви пред потенцијалната борба против Еј Џеј.

Првите гласини велат дека противник на Фјури би можел да биде Арсланбек Махмудов, а ова прв го објави познатиот новинар Гарет А. Дејвис.

Махмудов има само два порази во кариерата против Агит Кабајел и Гвидо Вијанело, и 21 победа.

Тој има два триумфа по ред, а до последниот стигна во октомври минатата година во Шефилд арената кога го победи миленикот на британската публика, Дејв Ален.