Почнаа подготовките на борачите за олимписките квалификации

Почнаа подготвките на репрезентацијата во борење за олимписките квалификации во салата на БК Лирија од Скопје. Првиот квалификациски турнир за Олимписките игри во 2016 е во април во Зрењанин, Србија.

На тренерот на репрезентацијата, Лулзим Вренези, на распогање се Дејан Митров, Јасин Реџелари, Бобан Данов, Бехар Махмути, Ертан Реџепи, Иван Јанев и Никола Петров, а натурализраните Македонци Лабазан Аскербиев и Мохамедгаџи Нуров ќе тренираат во Русија. На Вренези ќе му помага и Николај Корнеев.

Ова е првата фаза од подготовките, фактички онаа што требаше да се одржи на планина. Од 6 јануари ќе почне втората фаза и ќе се одржи во еден од бугарските спортски центри Тетевен  или Белмекен. Борачите таму ќе останат до почетокот на силниот меѓународен турнир „Дан Колов“ во Бугарија од 29-31 јануари, а по него ќе се оди на „Јашар Догу“ во Турција, кој се одржува од 5 до 7 февруари.

На подготовките во Бугарија ќе се приклучат Лабазан Аскербиев и Мохамедгаџи Нуров.

Ipon.mk/В.Д.