Синоќа на каратистите им беше приререден достоен пречек во Скопје кај Зоолошката градина по освојувањето на историските шест медали на Европското првенство за кадети, јуниори и јуниори до 21 година.
Многу родители, роднини, пријатели и клупски другари ги пречекаа носителите на медалите: Абдурахим Идризи, Моника Пендаровска, Азиз Исмаил, Столе Смилковски и Петар Спасеновски. Женскиот ката тим – Маријана и Мишела Димоски и Киријана Камческа се смина во Неготино и продолжи за Прилеп.
Многу емоции, радост, среќа и по некоја солза радосница. А носителот на сребрениот медал Абдурахим Идризи, како што вети во Ipon.mk, го поклони медалот на мајка му за роденденот, која нешто такво не очекуваше.
Денес во КК Макпетрол имаше поесебен пречек на медалистите Идризи и Пендаровска, а утре прослави се подготвуваат во КК Металург за Исмаил и Спасеновски, во Олимпик спорт за Столе Смилковски и во КК Ронин за ката тимот, Маријана, Мишела и Киријана.
Ipon.mk/В.Д.
