Френсис Нгану минатиот викенд беше крунисан во тешка категорија на УФЦ по победата во реваншот со Стипе Миочиќ.
Сега се очекува да ја брани титулата против Џон Џонс на мечот кој ќе биде еден од најголемите во историјата на ММА. Сепак, Предаторот гледа и на иднината.
Френсис рече дека сака да се бори за светската титула во боксот.
„Мојот најголем сон е поврзан со благородната боречка вештина – ја сакам ММА, но сакам да постигнам нешто значајно во боксот!“, изјави Нгану за ЕСПН.
UFC heavyweight champion Francis Ngannou asked about a fight with Tyson Fury or Anthony Joshua: "This is in the future. I'm going to box. My main dream has always been the noble art. I deviated into MMA, which I love, but I still have to fulfil something in boxing." [@ESPNMMA] pic.twitter.com/WF3ruW1V67
— Michael Benson (@MichaelBensonn) March 31, 2021
„Тоа е во иднина – морам да боксирам. Сакам да се соочам со еден од нив“, рече шампионот на прашањето за Ентони Џошуа и Тајсон Фјури.
„За мене, Џон Џонс ги забавува работите, но тоа не е моја работа. За прв пат, јас сум личноста што предизвикува. Подготвен сум да се вратам на лето. Се надевам дека ова ќе се случи и тогаш повторно ќе ме видите во октагон во декември“, вети Нгану.
