Големата ѕвезда на руската ММА сцена, Магомед Исмаилов, се прогласи за шампион на народот. 34-годишниот борец има учинок од 17-2-1 во ММА и може да се пофали со борби во средна, полутешка и тешка категорија.
Мага Исмаилов заврши 12 од борбите и никогаш не загубил со нокаут. Минатата година си ги зголеми акциите откако победи уште две големи sвезди од руската ММА сцена. Исмаилов го нокаутира Александар Емилијаненко, а потоа доминираше и против Иван Штирков.
Сега цели кон нов противник и ќе избере помеѓу Александар Шлеменко и Владимир Минеев. На социјалните мрежи Исмаилов позираше со титулата на АЦА и изјави дека му треба појас само за да ги врзува пантолоните со него.
„Постојат шампиони на хартија и има вистински, национални шампиони. Народен шампион – Магомед Исмаилов! Ќе те изедам! Ќе ги изедам сите.
Железниот шампион меѓу вас оди со појас, затоа што му треба појасот само за да ги врзе пантолоните“, изјави Исмаилов.
