Конор Мек Грегор во последно време се почесто е во медиумите.
Мек Грегор неодамна објави дека се пензионира, па за девет дена се предомисли и објави дека не е пензиониран, а актуелен е и со провокациите спрема Хабиб Нурмагомедов.
Сега во центарот на вниманието е со на нов скандал.
Мек Грегор деновиве е во Ирска, а и во татковината не помина без скандал. Ирската полицијата отворила истрага поради тепачка во кафуле која ја предизвикал Конор.
Сведоци на настанот изјавиле дека Мек Грегор бил во кафулето со своите пријатели и предизвикал тепачка во раните утрински часови. Според информациите, нокаутирал еден од гостите откако претходно имале вербална расправија.
Како што пишуваат ирските меидуми, Мекгрегор ја започнал вербалната „војна“, а потоа со тупаници тргнал да го реши проблемот со човекот кој му се спротивставил.
Потоа Конор со пријателите го напуштил локалот, а човекот кој бил нападнат одлучил да повика полиција и да го пријави Мек Грегор. Сведоците тврдат виновен за целата ситуација е Конор.
Ќе потсетиме пред некое време, Конор одзема и скрши телефон на негов фан кој сакал да го фотографира.
