На Карате клубот Јошитака од Скопје во фотофинишот му избега признанието најсупешен клуб на Меѓународниот карате турнир „Ипон куп“ во Лесковац- Србија.
Севкупен победник е Шурикен од Бугарија со 12 златни, 10 сребрени и 11 бронзени медали, а втора е Јошитака со 12 златни, 4 сребрени и 7 бронезени, додека на третото место е Партизан од Кочани со скор 9- 3- 8.
„Иако со подмладена екипа, мора да бидам задоволен на постигантиот успех. Дури во последната борба на турнирот бугарските пријатели го освоија писледниот златен медал и со подобриот скор во сребрени медали го освоија првото место во генерален пласман. Се до таа борба Јошитака беше единствен клуб со 12 златни медали“, изјави тренерот на Јошитака, Живко Тасевски.
Ipon.mk/В. Д.
