Ислам Махачев инсистира на брзо враќање: Не сакам да чекам

Ислам Махачев, еден од најдоминантните борци во УФЦ во последниве години, е подготвен за нов предизвик. Откако се откажа од титулата во лесна категорија (до 70 кг), Русинот ги објави своите намери што е можно поскоро да се врати во октагонот.

„Медисон сквер гарден, Лас Вегас или Абу Даби – сè уште нема датум. Ако не во Њујорк, тогаш сакам да се борам во Абу Даби. Не сакам да чекам“, изјави Махачев за ММА џнаки.

Махачев има импресивен професионален скор од 27 победи и само 1 пораз, а неодамнешните настапи го зацврстија неговиот статус како еден од најелитните борци во светот. Неговото поместување во тежинска категорија предизвика сериозен интерес кај фановите и аналитичарите.

Се очекува неговиот следен противник да биде австралискиот шампион во полусредна категорија, Џек Дела Мадалена. Борбата сè уште нема официјален датум, но УФЦ активно работи на нејзино организирање.