Поранешниот шампион во Беалатор во средна категорија, Гегард Мусаси, влегува во кафезот за да му с ереваншира на поранешен противник, Лиото Мачида. Тие ќе се борат на Белатор 228 на 28 септември, а настанот ќе го предводат Патрицио Фраер и Хуан Архулета.
Мусаси и Мачида имаа 25-минутна борба во 2014 година на настан на УФЦ во Бразил и „Драгонот/Змејот“ победи со едногласна одлука, а битката беше избрана за борба на вечерта.
Гегард ја загуби титулата во Лондон минатиот месец од Рафаел Ловато со поделена одлука со што ја прекина серијата од 8 последователни победи. Очекуваше реванш, но очигледно нема да го добие. Мачида пак е во серија од четири последователни победи и во последниот меч минатиот месец го нокаутира Чаел Сонен. Нема сомнение дека победникот на овој меч ќе добие шанса да се бори за титулата против новиот шампион во средна категорија Ловато.
