Формирана регионалната боксерска Супер лига, Вардар македонски претставник!

На состанокот во Скопје во петокот претставниците боксерските федерации од поранешна Југославија дадоа согласност за формирање на регионална боксерска лига која ќе се вика „Супер лига“, а Македонија ќе ја претставува Вардар.

„Нека е за аирлија! Формирана е и регионалната боксерска лига „СУПЕР ЛИГА“ во која во игра се најдобрите седум клуба од регионов…и тоа со три клуба Србија, два од Босна и Херцеговина и по еден од Хрватска и Македонија. Да, секако од Македонија носител на екипата е токму Боксерскиот клуб Пинк Пантер од Штип во соработка со БК Аперкат од Скопје и најдобрите боксери од нашата земја! Екипата ја нарековме „ВАРДАР“ и со гордост ќе ги браниме боите на Македонија и секако се стремиме да бидеме на врвот на табелата! БК „Пинк Пантер“ – нашата идеологија“, напиша на социјалните мрежи членот на Управниот одбор на Боксерската федерација на Македонија и прв човек на Пинк Пантер, Илија Младеновски.

Ipon.mk/В.Д.