Поранешниот двократен светски шампион Ентони Џошуа беше многу активен во последната година – четири борби и четири победи.
Посебно импресивен беше последниот меч што го имаше на почетокот на март во Ријад кога во втората рунда брутално го нокаутира Френсис Нгану.
Британскиот боксер ја фати формата и пука од самодоверба, па не е чудно што по 20 дена е во потрага по нова борба која би можела да се случи порано од очекуваното.
Џошуа се врати на победничките патеки по двата порази од Александар Усик (2021 и 2022 година), ги загуби титулите на ВБА (Супер), ИБФ, ВБО и ИБО во првиот меч, а истото го направи и во реваншот.
Во последните 11 месеци се врати со победи против Џермејн Френклин, Роберт Хелениус и Ото Валин, а во последната борба беше убедлив против поранешниот шампион на УФЦ.
Се очекува да се соочи со победникот од борбата за титулата во тешка категорија меѓу Тајсон Фјури и Усик на 18 мај, или можеби борбата против Филип Хрговиќ за појасот на ИБФ кога титулата ќе биде ослободена по тој историски меч.
Но, една објава на Инстаграм на Џошуа, снимена од екранот на Евритинг бокс на неговиот X профил, сугерира дека добил повик за нова борба: „Сакаат да се бориш“.
🚨 Anthony Joshua on his Instagram today, "They want you to fight". pic.twitter.com/kNFLW25c55
— EverythingBoxing (@EverythingBoxi2) March 22, 2024
Изгледа дека Џошуа би можел да биде на програмата за настанот „5 на 5“ Квинсбери против Мечрум, кој ќе се одржи на 1-ви јуни во Саудиска Арабија.
Настанот кој го предводи мечот за обединување на титулите во полутешка категорија меѓу Дмитри Бивол и Артур Бетербиев, е планиран и меч во тешка категорија меѓу Дионтеј Вајлдер и Жилеј Жанг.
