За време на неговото последно појавување во шоуто на Џими Кимел, боксерската легенда Мајк Тајсон изјави дека е заинтересиран за борба против Џејк Пол.
55-годишниот боксер изјави дека Пол е доволно искусен за да му го привлече вниманието, пофалувајќи го за неговиот придонес во спортот.
„Тој е доволно паметен, да“, му рекол Тајсон на Пол и додаде: „Му признавам, доволно е паметен да победи.
Ги победува луѓето кои не би требло да може да ги победи. Мора да му признаеме.
А тој направи толку многу за боксот. Повеќе од 70 милиони луѓе го гледаат како се бори. Светските шампиони немаат толку многу следбеници. Значи она што го прави за боксот е сензација. Никој не треба да го мрази заради тоа. Им помага на сите да заработат пари. Зошто луѓето се лути на него?“
Набргу потоа, 25-годишниот Пол прокоментира:
„Благодарност до големиот Мајк Тајсон за почитта и можноста. Тоа го правиме оваа година“!
Thank you to the great Mike Tyson for the respect and opportunity. This year we are making it happen. pic.twitter.com/dlGQUf2EP0
— Jake Paul (@jakepaul) June 18, 2022
