Една добра вест за македонското борење – рехабилитациониот процес успешно заврши и Халил Зубаиров доби дозвола од Московскиот медицински институт да продолжи со тренинзи и натпревари .
„Многу е пропуштено од подготвителниот период, за да се уцествува на лиценцираните турнири, каде што треба да се изборат норми.
Затоа решивме со Халил да ги пропуштиме двата турнира во Србија и Монголија , а да се сконцетрираме на последниот светски нормативен турнир во Истанбул од 5-9 мај , каде што се надеваме на финале и да ја освоиме долгопосакуваната олимписка норма“, вели неговиотр тренер во Вардар Љубиша Пешко и додава дека Халил има голема желба и ќе даде се од себе успешно да не претстави во Турција и да не израдува со олимписка норма за Рио .
„Според анализите од последното Светско и Европско првенство , уверени сме во способностите и квалитетите на Халил дека ќе успее во тоа. Зборувано е со директорот на ФБСМ и запознаени се раководството на ФБСМ , за медицинската дозвола и настапот во Истанбул . Да напоменеме дека од 14-18 април Европската елита се на собир во Зрењанин, каде што за Македонија ќе се борат да освојат олимписка норма: 57 кг Лабазан Аскербиев, 65кг Дејан Митров, 97 кг Могамедгаџи Нуров и 125 кг Бобан Данов.
Им посакуваме успешна презентација и да се пласираат во финале, кое ке ги однесе во Рио“, вели Пешко.
Да потсетиме дека Зубаиров мината година освои бронзен медал на Европксото првенство до 23 години во Полска, кој беше прв медал по седум посни години во најсилните конкуренции.
Ipon.mk/В. Д.
