Чимаев му предложи боксерски меч на Мек Грегор: Зошто да не? Би било забавно!

Хамзат Чимаев нема планови да се префрли на бокс, но не крие дека би прифатил голема борба против Конор Мек Грегор. Идејата ја сподели тој за време на средбата со медиумите пред УФЦ 328.

Актуелниот шампион во средна категорија нагласи дека нема намера да го напушти MMA:

„Нема да се префрлам во бокс. Секогаш ќе бидам борец во УФЦ“.

Сепак, тој не ја исклучува можноста за посебна борба под покровителство на Зуфа бокс:

„Можеби ако Зуфа бокс ми даде шанса – да се борам со Конор. Ако прифати. Ќе биде интересно. Зошто да не“?

Чимаев појасни дека ова не е личен конфликт, туку атрактивен натпревар:

„Конор е добар боксер, еден од најдобрите во УФЦ. Ќе биде убаво да се обидам против него. И парите ќе бидат добри“.

Во својот типичен стил, тој додаде лесна задевачка порака:

„Тој зборува подобро од Шон Стрикленд. Ќе биде забавно“.

Иако хипотетичка во овој момент, таквата борба помеѓу Чимаев и Мек Грегор би привлекла огромен интерес и би станала една од најзборуваните кросовер пресметки во борчите спортови.