Четири бронзени медали освоија натпреварувачите на Таеквондо клубот Борец на Меѓународниот турнир „Омега куп“ во Белград-Србија. Сите медали се освоени во А-класа за црни појаси во кадетска и јуниорска конкуренција.
Бронзените медали ги освоија Ива Поповска, Симона Радевска, Дебора Брњарчевиќ и Ангел Бајовски. Поповска оствари победа над натпреварувачката од Србија од ТК „Галеб“, клубот на олимписката шампионка Милица Мандиќ.
„Ова им беа први борби на Радевска и Бајовски во јуниорска конкуренција. Покрај нив,одлични победи извојуваа и Христијан Цајкиќ и Ангела Живковска, додека на Александра Чакалиќ медалот и избега од раце во последната секунда, бидејќи доби удар кој и донесе три поени на противничката. Покрај медалите имавме и одлични борби и победи и на другите членови на клубот“, изјавија тренерите на ТК Борец, Марио Ацевски и Ангел Севдов.
Ipon.mk/В. Д.
