Битолчанецот Борче Талевски ја доби почеста да настапува во коглавната борба на ММА настанот Муња фајтинг чемпионшип (МФЦ) на 21 јануари во Загреб против искусниот хрватски борец Ивица Трушчек. 18-годишниот Талевски во познатата сала Кутија шибица оди со победа на ИСФА настанот во Битола пред месец и половина, совладувајќи го Бугаринот Делчо Димитров.
На 21 настапуваш во Загреб на Муња фајтинг чемпионшип на кој ќе настапат многу борци од регионот и тоа во коглавната борба. Што значи ова за тебе?
-Досега ова е најголемо достигнување за мене во ММА.
Се бориш против многу поискусниот и многу добар хрватски ММА борец, Ивица Трушчек. Што може да очекуваме во овој дуел?
-За да бидам најдобар ќе мора да го победам најдобриот борец, иако имам 18 години и е постар од мене 16 години, тоа за мене не претставува никаква пречка, напротив ќе докажам дека сум борец со срце во кафезот. Ќе дадам се од себе да забележам победа за мојата татковина.
Дали ги анализираше борбите на Трушчек? Кои се неговите слаби страни?
-Ивица Трушчек е многу искусен борец, со над 60 профи борби и еден од најдобрите во регионот. Негова слаба страна е што не е партераш, а има други финеси кои му се слабост.
Пред месец и половина во Битола го совлада Бугаринот делчо Димитров, но во повисока категорија до 84 кг. Дали спуштањето во пониската категорија на 77 кг е предност?
-Да, тоа е голема предност. Со спушањето до 77 кг ја достигнав максималната физичка подготовеност досега која ќе ја прикажам на 21 јануари во Загреб.
Муња фајтинг чемпионшип 1
Листа на борби:
Станислав Крофак – Немања Радуловиќ 77 кг
Андреј Јуринец -Данијел Аранѓеловиќ 77 кг
Плеурат Смајли – Блажо Дардов 77 кг
Тиго Гилјевиќ – Аце Арсов 93 кг
Рок Крушиќ – Пепо Велков 66 кг
Матија Блажичевиќ – Филип Божиновски 70кг
Лука Чурковиќ – Никла Арсов 77 кг
Филип Гачеша – Марко Малиниќ 84 кг
Иван Ерслан – Мухамед Махмиќ 93кг
Зоран Џоџ – Мирза Сендиќ 77 кг
Дејан Стефановски – Синиша Дамјановиќ 84 кг
Ивица Трушчек – Борче Талевски 77 кг
Ipon.mk/В.Д.
