Откако пропаднаа преговорите за мечот меѓу Aлександр Усик и Тајсон Фјури, боксерскиот свет сега се прашува кој би можел да биде нивниот следен противник.
Усик е повеќе или помалку извесно e дека ќе се бори со Даниел Дубоа, носителот на титулата во ВБА (регуларна) и следниот задолжителен предизвикувач.
Но, доколку Британецот не е подготвен за мечот (лани го повреди коленото на мечот против Кевин Лерена), тогаш во игра би можеле да влезат предизвикувачи според ИБФ или ВБО.
Прв на листата на предизвикувачи на ИБФ е Хрватот Филип Хрговиќ, додека привремен шампион според ВБО е Џо Џојс.
А Фјури има неколку интересни понуди, се споменуваат Ентони Џошуа, Енди Руиз, Дионтеј Вајлдер, а еден од можните кандидати е Џо Џојс.
„Би бил подготвен веднаш да се борам со Фјури“, рече Џо Џојс и продолжи:
„Но, имам договорена борба против Жанг и тоа е голема борба. Прво треба да се справам со тоа. А Фјури рече дека сака да се бори со мене ако не се договори со Усик. Но, прво треба да го победам големиот Џанг“.
Британецот смета дека не би било проблем да организира меч со својот сонародник.
„И двајцата работиме со Френк Ворен. Фјури рече дека сака да се бори со мене и мислам дека тоа е одлична борба. Луѓето се заинтересирани за тоа“, изјави Џо Џојс и истакна дека му е важно да напредува во кариерата:
„Го извлекувам најдоброто од неа. Се надевам дека наскоро ќе имам неколку големи борби. Понекогаш работите ве разочаруваат, а потоа се случува нешто неочекувано. Затоа сега велам, подготвен сум за мечот против Фјури“.
