Аспинал ја задржа титулата на УФЦ, борбата беше прекината откако Гане со прстот му брцна во окото на Том
Шампионот во тешка категорија на УФЦ, Том Аспинал, ја задржа титулата откако борбата беше прекината во првата рунда. Имено, Французинот Сирил Гане ненамерно со прстот го повреди окото на англискиот борец во главната борба на УФЦ 321 во Етихад арената во Абу Даби.
По размена на неколку удари и клоци во првата минута, тие се позиционираа за борбата во средината на октагонот, двајцата имаа по еден неуспешно соборување. На крајот од првата рунда Сириле ненамерно со прстот му брцна во десното око на Том.
Title fight between Tom Aspinall and Cyril Gane has been ruled a No Contest after an inadvertent eye poke ❌#UFC321
pic.twitter.com/xFq11NY2Kz— COMBAT SPORTS TODAY (@CSTodayNews) October 25, 2025
Следеше пауза од неколку минути, и веднаш се чинеше дека Аспинал не може да продолжи. По консултација со докторот, судијата Џејсон Херцог ја прекина борбата.
This is how I always thought Tom Aspinall vs Jon Jones would go!!😭😭#UFC321 pic.twitter.com/21NxTpIOJ4
— On The Ropes (@On_TheRopes) October 25, 2025
А Макензи Дерн е новиот шампион на УФЦ во сламка категорија. Американско-бразилската борачка во конасловната борба ја победи со едногласна одлука Бразилката Вирна Џандироба.
Александар Ракиќ го претрпе четвртиот пораз по ред. Откако загуби од Јан Блахович, Јиржи Прохаска и Магомед Анкалаев, српскиот борец со австриски пасош беше надвладеан и од Азамат Мурзаканов.
Непоразениот Русин постигна уште една победа со прекин во својот шести настап во најголемата светска ММА организација. Мурзаканов го победи Ракиќ со технички нокаут во првата рунда. Тоа беше негова 16-та победа во кариерата.
Во уште еден меч во тешка категорија Русинот Александар Волков со поделена одлука во неизвесна борба го победи бразилскиот борец Жаилтон Алмеида, со што стигна до својата 39-та победа, петта во последните шест натпревари.
Поранешниот предизвикувач за титулата во бантам категорија, Умар Нурмагомедов, постигна убедлива победа со одличен настап над Марио Баутиста. Дагестанецот доминираше во сите три рунди и го победи со едногласна одлука борецот од Невада, кој имаше осум победи по ред.
Во јануари, Нурмагомедов загуби во мечот за титулата против шампионот Мераб Двалишвили, и тоа беше неговиот единствен пораз во кариерата. Дагестанскиот борец сега има 19-1.
Резултати од настанот УФЦ 321:
Том Аспинал (в) – Сирил Гане – НЦ (без одлука), Р1(3:35)
Мекензи Дерн – Вирна Џандироба – едногласна одлука на судиите (48–47, 48–47, 49–46)
Умар Нурмагомедов – Марио Баутиста – едногласна одлука (30–27, 30–27, 30–27)
Александар Волков – Жалитон Алмеида – поделена одлука (28–29, 29–28, 29–28)
Азамат Мурзаканов – Александар Ракиќ – ТКО (тупаници), Р1 (3:11)
Прелиминарни борби:
Квилан Салкилд – Насрат Хакпараст – нокаут (удар во глава), рунда 1 (2:30)
Икрам Алискеров – Парк Јун-јонг – едногласна одлука (30–27, 30–27, 30–27)
Људовит Клајн – Матеуш Ребецки – мнозинска одлука (29–28, 28–27, 28–28)
Валтер Вокер – Луи Сатерленд – завршница (со петица), Р1 (1:24)
Натаниел Вуд – Хозе Мигел Делгадо – едногласна одлука (29–28, 29–28, 29–28)
Хамди Абделвахаб – Крис Барнет – едногласна одлука (29–26, 29–27, 29–27)
Мич Рапосо – Азат Максум – едногласна одлука на судиите (30–26, 29–27, 29–27)
Мизуки Инуе – Жаклин Аморим – едногласна одлука (30–27, 30–27, 29–28).
