Алексанадар Неделковски беше на чекор да се вклучи во борбата за бронзениот медал на Европското првенство во карате за кадети, јуниори и јуниори до 21 година во Сочи, Русија. Во клучниот меч со Португалецот Карваљо загуби со судиско прегласување од 2-3. Карваљо го совлада Англичанецот Џејмс Харисон со 5-0.
Инаку Неделковски во првото коло забележа победа против Мариус Верц од Германија со 4-1, а во второто загуби од финалситот Енес Оздемир од Турција 2-3, додека во репасажот славеше со убедливи 5-0 против Октавијан Гарстеа од Молдавија.
Александар Неделковски во конечниот пласман е седми.
Во кати настапи и Владанка Аврамова која беше поразена од Аинара Тенорио од Шпанија со тесен резултат од 2-3.
Кај помладите сениори (У-21) Ферри Исиќ забележа два порази, и во првото коло и во репасажот, а во конечниот пласман е девети.
Во тек се натпреварите во борби во кадетска конкуренција.
Резултати
Кати – кадети
Владанка Аврамова – Аинара Тенорио (Шпанија) 2-3
Александар Неделковски – Мариус Верц (Германија) 4-1
Александар Неделковски – Енес Оздемир (Турција) 2-3
Александар Неделковски – Октавијан Гарстеа (Молдавија) 5-0
Александар Неделковски – Педро Карваљо (Португалија) 2-3
У-21
Ферри Исиќ – Ѓузепе Панагија (Италија) 1-4
Фери Исиќ – Роман Хејдаров (Азербејџан) 1-4 – репасаж
Ipon.mk
