Александар Македонски Волкановски: Ќе го победам Холовеј и ќе му дадам реванш

Пред неколку дена УФЦ официјално ја објави борбата меѓу Макс Холовеј и Александар Волкановски, која ќе биде за титулата во перо категорија во декември во Вегас на УФЦ 245. Во моментов, двајцата се најдобри во категоријата и доаѓаат по големи победи, што е предуслов за здрава и интересна битка.

Волкановски е во серија од 17 последователни победи и неговата ММА статистика е 20 победи и само 1 пораз. Тој не загубил во последните 6 години и во последната борба во мај успеа да го победи со одлука на судиите Жозе Алдо во Бразил. Александар е уверен дека ќе може да го симне од тронот Макс Холовеј и дека ќе му даде задолжителен реванш.

„Ќе му покажам на светот дека сум најдобар во перо категорија. Јас сум најдобриот борец во оваа категорија и во декември ќе го покажам тоа. Луѓето можат да зборуваат што сакаат. Холовеј беше добар шампион. Знам дека ќе го победам и потоа ќе му дадам реванш.

Ќе ја земам неговата титула и ќе имам втора борба. Во втората битка, повторно ќе го победам и ќе се етаблирам како најдобар во светот. По овие победи, ќе бидам подготвен за каков било предизвик“, истакна Македонецот кој живее во Австралија.

https://www.instagram.com/p/B2WSleBgQ_J/?utm_source=ig_embed
ПОВРЗАНИ ВЕСТИ

ПОПУЛАРНО