Ентони Џошуа ќе добие највисок хонорар во кариерата за средбата со Џарел Милер

Британецот Ентони Џошуа ќе добие највисокиот хонорар во кариерата за претстојната борба против Џарел Милер на 1 јуни во Њујорк.

Се очекуваше светскиот шампион на ВБА, ИБФ, ВБО и ИБО да ги брани појасите на 13 април на „Вембли“ во Лондон, но откако не успеа да обезбеди доволно сериозен противник Џошуа ќе се обиде да се пробие на американскиот ринг.

Неговиот промотор Еди Херн рече дека договорот за меч со Милер во Њујорк веќе е речиси завршен и нивната борба во „Медисон сквер гарден“ може да биде официјално најавена до крајот на оваа недела.

https://twitter.com/boxingscene/status/1093475226774429696?ref_src=twsrc%5Etfw%7Ctwcamp%5Etweetembed%7Ctwterm%5E1093475226774429696&ref_url=https%3A%2F%2Fwww.sportal.bg%2Fnews.php%3Fnews%3D769805

Се очекува Џошуа да добие околу 25 милиони фунти за учество во овој меч, ќе ги надмине 20 милиони што ги зеде за победата над Александар Поветкин во септември.

Поголемиот дел од парите ќе биде обезбеден од телевизскиот партнер на Херн ДАЗН. Џошуа ќе добие и пристоен износ од продажбата на платените гледања на Скај спорт во Велика Британија.

„Јас би рекол дека 80 отсто е сигурно дека Ентони Џошуа ќе се бори против Милер. Парите што ќе ги добие не само од ДАЗН, а од ППГ преку Скај спорт, од продажбата на билети во Медисон сквер гарден и од продадените телевизиските права на меѓународните телевизии. Сите експерти за маркетинг и ПР секогаш ни велеа:„Треба да се борите во Америка“. Сега е најдобро време да го сториме тоа“, рече Еди Херн.