Армада носи уште една жестока борба во шестоаголникот во Скопje на 14 септември во салата „Јане Сандански“!
Еден од борците кои ќе бидат во центарот на вниманието е домашниот борец Коста Георгиевски.
За оние кои не се запознаени, Коста е носител на црн појас и сениорски балкански шампион во олимписко таеквондо, поранешен член на најтрофејниот клуб за боречки вештини во Македонија, ТК Бутел.
Покрај неговата импресивна кариера во таеквондо, Коста е и носител на кафеав појас во џудо, а сега ги прави првите професионални чекори во ММА со тимот ММА Бутел.
Ова ќе биде неговиот деби настап и можност да го покаже целиот свој арсенал на вештини пред домашната публика!
Од друга страна, во Скопје пристигнува искусниот Раде Новаковиќ (2-4) од Крагуевац, Србија, кој веќе се бореше во организацијата Армада и во претходниот меч покажа голема храброст и се бореше до крај.
Иако не славеше, неговиот настап беше доволно импресивен за организацијата да му даде „корективен“ меч.
Раде е познат по својата цврстина, упорност и борбен дух, и е подготвен да ја замолчи публиката и да го шокира домаќинот!
Нè очекува вистинска борба — комбинација од младост и искуство, модерна ММА и борбеност.
Публиката може да биде сигурна дека нè очекува вистински спектакл!
View this post on Instagram
