Повеќекратниот руски и светски шампион меѓу професионалните кикбоксери Дмитри Лиходумов почина на 50-годишна возраст. Веста ја објави Руската кикбокс федерација на својата страница на социјалната мрежа ВКонтакте.
Според Телеграм каналот „Маш на спорт“, спортистот е пронајден мртов во близина на празна парцела на периферијата на Балашиха. На телото на 50-годишниот спортист се пронајдени бројни траги од траума. Според прелиминарната истрага, причина за смртта може да биде тешко тепање или сообраќајна несреќа.
„Дмитри даде голем придонес во развојот на кикбоксот во Липецк, Русија и пошироко. Многу спортисти пораснаа инспирирани од неговиот пример. За сите нас ова е огромна загуба. Споменот на Дмитри засекогаш ќе остане во нашите срца“, се вели во соопштението на федерацијата.
Дмитриј Лиходумов стана шампион на Русија три пати (1998, 1999, 2001). Во 2002 година стана светски шампион меѓу професионалци. Во 2000 година, Лиходумов освои бронзен медал на Европското првенство. Нека почива во мир!
View this post on Instagram
